قبلة علي العنق و قصة صيف

 اقبل عنقكك قبلة لطيفة مرة و عنيفة اخري 

اهمس في اذنك : وحشتني وحشتني

اتأمل وهجهك الذي اراه للمرة الاولي لكن في اعماقي اننا احباء قبل مولدي 

تبتسم و تطبع علي اصابع يدي ببطء قبلتان لسانك ياخذ موضع السحر فيهما 

ينشق قلبي و ادخل في حالة من الخدر ليس من هذا العالم

شعاع رفيع من الشمس يقرر ان يستقر علي عيني لافيق في عدم ادراك...انه حلم

جينا لجزء محبب لقلبي في الوحدة ان مكنش من افضل تلاتة خليهم افضل خمسة تقليلا لتفاهتي ...الاحلام ...معتقدتش ان كان فيه فترة في حياتي احلامي واضحة و كل حلم بيوصلني لدرجة من النشوة بيوديني عوالم تانية و مشاعر تانية بكثافة معتقدتش ممكن اجربها علي ارض الواقع الا و انا وحيدة و مخلية ايامي هادية بلا احداث بقدر الامكان...مش كل احلامي علي تلك الشاكلة بس ده نوع منها النوع التاني لما عقلي يوريني عوالم معدتش عليا قبل كدة خيالية مشوفتش ليها صورة او وصف لسة فاكرة الحلم اللي لقيت فيه نفسي بجري علي طريق اتحول مرة واحدة لممر تحت الماية شكله يسحر بس كان لسة عندي القدرة اني اجري في الماية عادي و و بانتقالات سريعة تكسر قوانين الفيزيا الاقي نفسي في حفرة جوا الماية مودية علي عالم اكثر سحرا عشان ينقطع حلمي هنا ...وصفي مجحف و في منتهي الهبل عكس اللي حسيت بيه ساعتها بس المهم اني مبسوطة ان رجع عقلي رايق عشان احلم احلام زي السحر كدة

رغبة في البكاء اظن ان الوحدة ستضرب رقم قياسي و تهاجمني للمرة الثانية خلال اسبوع 

مكنش لازم احط مرطب برضه الجو لسة حرو هيفضل سايح بطريقة مستفزة 

 summer’s tale خلصت

و مش عارفة اذ كنت هقدر اقول كل اللي في بالي ولا ...شخصية الولد مستفزززة و اكتر حاجة استفزتني قلة ثقته بنفشه خع هع شوف مين بيتكلم بجد كل الابطال تقريبا الصدق معدهاش عليهم قبل كدة و علاقات بتتم تحت مسمي لاجازة الصيف بس كلهم وحيدين و محتاجين قلب صادق مع انهم اول ناس بيمسحوا الصدق من قاموسهم جايز لانه كله ماشي كدة فالاسلم انك متصدقش نفسك و تلعب انت كمان البطل طول الفلم مخدش خطوة تجاه اي حد من التلاتة هو زي ما قال بلسانه بيستني الاشياء تحصله و يقول باستغراب و حسرة انها مبتتمش للاخر حتي يعني ما هو عشان حضرتك ممكن مبتتحركش مثلا اللي استغربته اكتر موقف البنات التلاتة و لا واحدة كانت واخداه علي محمل الجد جايز لانهم حابين شعور السيطرة علي ولد عارفين انه معندوش ثقة و غالبا علاقاته مع الجنس الاخر قليلة جايز اللي اهتمت بيه بشكل حقيقي شوية هي مارغو و كمان بينت عكس كدة لانها جايز شافت تردده او جايز عشان عشيقها المسافر او جايز لانها مش عايزة تبان الصادقة الساذجة وسط  كل اللي ماشي بمدأ جاست فور فن و حقيقي الولد بيبقي في حاله و تيجي البنت تقرب منه و تديله اشارات صريحة انها عايزاه و اول ما فعلا يبدأ يتقدم اوبس احنا بس صحاب اصلي عندي مبادئ اصل انا مش شايفاك هتنجح ف برضه ليه ...يعني هم بيستغلوه عشان شعور السيطرة و في الحقيقة هو علي الطرف التاني مش صادق برضه جايز برضه معاهم عشان يحاول يحس بحبة ثقة بس للاسف رغم ان في اخر الفلم التلاتة كانوا معاه بس برضه فضل علي حاله حقيقي مفهمتوش هو مكار بزيادة و لا اهبل بزيااادة بس زي ما سيلين قالته فيما معناه الرجالة جبنا بيخافوا يسيبوا واحدة قبل ما يكونوا متأكدين ان في واحدة في ايدهم يعني حد قبل كدة قالي ان صعب علي الرجالة انهم يبقوا لوحدهم ف غالبا هتبقي في ست في حياته دايما تحت مسميات ملتوية ف افتكرت  الموضوع  شخصية البطلة التالتة اللي مش فاكرة اسمها دي معجزة اني افتكرت اسماء الباقي فكرتني بنفسي لما بتقول انا مش عايزة ادي اي جزء من حريتي مهما كان صغير لحد حتي اللي هرتبط بيه و عيطت ف افتكرت يعني قد ايه الواحد لما بيرتبط ببني ادم تاني صداقة اة حب جزء من حريته بيروح جايز بالنسبة لي انا بس بس يمكن ده برضه سبب اللي بيخلني حاسة دايما اني مش مستريحة مع حد انه في كل الحالات جزء من وقتي بخسره و جزء من خططي بيتكنسل حتي عقلي مبيبقاش ملكي بالكامل لان سواء سعادة او حزن هيبقي واخد جزء منك الموضوع غير مريح ابدا